M9日式居酒屋 (已結業)

星期一晚，住長沙灣的好友說他在他家附近有間日本餐廳，都幾有特色，而且食物幾好食，所以我就同佢去咗呢間餐廳。一入到去呢間餐廳，係就覺得好有日本嘅情調同有日本嘅感覺。牆上面有好多日本清酒，而且另外一面牆有好多日本漫畫或者日本題材嘅圖案，都真係幾得意。我哋坐低之後，見到隔離啲燒牛肉同牛脷好好食，所以我哋都叫咗一份特選和牛西冷和鹽燒牛舌厚切。和牛西冷燒得剛剛好，又滑又香又juicy，而燒牛舌厚切也是燒得很好，牛舌厚厚的，又爽又彈牙，牛舌味道十足，好好味。食完咁好味嘅牛之後，我叫了一杯冰凍的啤酒，真是一大享受。之後，我哋叫了雜錦天婦羅，和炭燒烏賊。天婦羅炸得出奇地好味，啲炸漿剛剛好掛係嗰啲食物上面，又脆又唔油膩，炸得熱辣辣，真係好正。鹽燒烏賊都唔錯，燒得都幾好，有炭燒味，而且烏賊都幾新鮮。總括嚟講呢間餐廳嘅食物真係意外地好食，我諗我下次都會再帶朋友嚟食。