回憶客棧

營業中

休息中

聽同事講最近開咗間串燒店喺公司附近，今晚難得返夜更就決定試吓佢哋嘅串燒。係大概凌晨12點打電話叫外賣，大概一個鐘內都送到外賣，首先要好多謝店員山長水遠都送外賣俾我哋，仲要係凌晨嘅時間，對於我哋呢班返通宵嘅員工真係非常感動我哋叫咗招牌花甲粉，大量串燒，味道真係物超所值花甲粉開頭以為好細兜，點知嚟到嘅時候我哋三個人分仲可以有淨😆另外叫咗大量串燒，包括雞翼，雞扒，雞軟骨，豬頸肉同金菇肥牛等等，所有味道都同喺街邊即刻燒嘅係一樣，而且舖頭處理食物嘅溫度非常之好，送到外賣過嚟，所有食物嘅溫度都仲係熱㗎店員仲送咗飲品俾我哋，下次我哋返通宵一定會再幫襯你哋