影片
更多
2022-01-17
55 瀏覽
最近轉戰午市聚餐，同朋友一齊搵新餐廳試下！Amusement依間西餐廳主打嘅雖然都係常見嘅意粉同Pizza，不過佢哋嘅賣點就係以手工製作，食嘅每一啖都係心思🧡• 巴馬火腿火箭菜自製披薩 $138佢哋嘅Pizza係即製手工麵團，對餅底甚有要求嘅我依個絕對係加分位嚟！口感煙煙韌韌唔似連鎖店嘅質素，茄汁底感覺唔係用現成茄膏，蕃茄味較天然，芝士雖然冇拉絲效果不過鹹香味十足，配上Parma ham同火箭菜一向perfect match嘅配搭確實唔錯有水準😳• 北海道帶子、三文魚子配墨魚汁手工意粉 $168擺盤有啲山水畫嘅feel，黑蚊蚊嘅墨汁意粉放上三文魚子同煎香咗嘅帶子，食落幾有鮮味，意粉煮得頗有咬口！另外兩個lunch set都包咗餐湯，嗰日嘅餐湯係南瓜湯，忌廉味重帶有少少南瓜嘅清甜，唔鍾意南瓜嘅我都感覺不錯☺️• 法式四小件 +$28一碟上有四款唔同口味嘅蛋糕，如無意外應該係杏仁、椰絲、開心果同朱古力味，質感偏濕味道偏甜，個人認為做返乾身少少效果會更好😗• 馬卡龍 +$28共有紅莓、檸檬同朱古力三種口味，同樣都偏甜一啲，朱古力味感覺最好，微微嘅甘苦中和返個甜度😗• 橙汁特飲 +$10• 鮮檸
• 巴馬火腿火箭菜自製披薩 $138
佢哋嘅Pizza係即製手工麵團，對餅底甚有要求嘅我依個絕對係加分位嚟！口感煙煙韌韌唔似連鎖店嘅質素，茄汁底感覺唔係用現成茄膏，蕃茄味較天然，芝士雖然冇拉絲效果不過鹹香味十足，配上Parma ham同火箭菜一向perfect match嘅配搭確實唔錯有水準😳
• 北海道帶子、三文魚子配墨魚汁手工意粉 $168
擺盤有啲山水畫嘅feel，黑蚊蚊嘅墨汁意粉放上三文魚子同煎香咗嘅帶子，食落幾有鮮味，意粉煮得頗有咬口！另外兩個lunch set都包咗餐湯，嗰日嘅餐湯係南瓜湯，忌廉味重帶有少少南瓜嘅清甜，唔鍾意南瓜嘅我都感覺不錯☺️
• 法式四小件 +$28
一碟上有四款唔同口味嘅蛋糕，如無意外應該係杏仁、椰絲、開心果同朱古力味，質感偏濕味道偏甜，個人認為做返乾身少少效果會更好😗
• 馬卡龍 +$28
共有紅莓、檸檬同朱古力三種口味，同樣都偏甜一啲，朱古力味感覺最好，微微嘅甘苦中和返個甜度😗
• 橙汁特飲 +$10
• 鮮檸雜飲 +$10
張貼
