Oppa Chicken (已搬遷) 新店位置

落大雨加行雷閃電，以為冇咩人等位，因為Oppa等位係要坐街的點知去到都有三枱客等緊一坐低即叫野食！青檸梳打食炸雞必點！解渴得黎又消滯！韓式芝士蛋卷每次來必叫這個蛋卷，外層是嫩嫩的蛋包著Mozerella Cheese和洋蔥紅蘿蔔等配料，加上面層的沙律醬茄汁，是開胃美味的。但味道比以前就是差了一點點！炸薯條賣相比味道吸引，標明是帶皮薯條，但薯味欠奉，好麻麻辣味炸雞要小辣，唔夠辣，下次要叫中辣先得。不過醬汁幾惹味，雞亦嫩滑，但比起初初開鋪時較失色。食食下見隔離枱食呢個，好吸引！魚子飯團紫菜份量多得驚人～飯團粘粘的口感好好～雖然唔覺有咩魚子，但單單紫菜加飯都已經好好味！份量亦非常多！