信州日本料理

營業中

休息中

西環有唔少有質素嘅日本料理餐廳，而信州料理呢一間餐廳我都食過唔止一次，水準亦都非常之高。我覺得信州最出色嘅係壽司，所以每次黎都會叫。今次我就叫左海膽、鰤魚、赤鯥、生蝦、帆立貝、鯛魚、左口魚邊、池魚、吞拿魚腩同油甘魚腩。壽司size唔係好大，一啖一舊，我覺得啱啱好，好適合我。飯同刺身嘅比例亦都做得非常之好。最正我今次覺得係海膽，鮮甜到呢～一d藍凡味都無。之後我哋又叫咗一個紙火鍋。材料用得都幾足，好多海鮮，唔會用到一啲平價貨，好新鮮，好食！佢啲串燒都處理得唔錯，熱辣辣好好食。但係另外嗰重點我會放喺佢既野菜烏冬。聽落好平凡，但係佢用咗魚湯做湯底，非常之鮮甜；而且烏冬亦都好煙韌彈牙，超正。一間餐廳嘅出品要好食唔容易，要保持到水準係更加難，但係我覺得信州係做到既。