影片
更多
2021-11-21
103 瀏覽
見好耐冇入長洲，加上對上一次（半年前左右）偶然係長洲試過呢間角酪覺得好正，雖然大排長龍但都值得，所以就趁今個weekend 同幾位朋友入去飲下。我地4個人去到見到龍尾已經係門口，乜都唔理排左先😂 邊排邊睇menu, 店內位置不多但都有好多打卡位，最受歡迎一定係呢道牆。排左15分鐘左右，就到我地，係排隊期間見到店內有個corner 賣啲小物，我買左4個平安包款式既搓手液，$45/個（之後行前少少見到有間店平$5)😇 再加三杯飲品，一共$298, 我比$500 收銀妹妹找，佢找$102 比我🧐 之後我同佢講找少錢，我估因為妹妹真係太細個（十零歲）未係好識處理突發事，所以佢同我拗左幾句，但最後都有比返找少左既$100 我，但就冇say sorry 囉😇 對於做左10年有多飲食既姐姐我來說，略嫌少少🤏🏼冇禮貌。明既，都唔愁冇生意🤷🏼♀️anyway 啦我地買左3杯分別係莓莓角酪，甘露角酪同芒芒角酪。先講左莓莓角酪先，係熱門飲品之一，我第一次都係飲呢杯，今次我朋友飲的。首先杯既正面有兩塊砌成心形既士多啤梨，加埋士多啤梨本既既粉紅色，打卡一流。飲落去有好濃既乳香味，有好重既乳酪味，酸酸甜甜，味道好
我地4個人去到見到龍尾已經係門口，乜都唔理排左先😂 邊排邊睇menu, 店內位置不多但都有好多打卡位，最受歡迎一定係呢道牆。
排左15分鐘左右，就到我地，係排隊期間見到店內有個corner 賣啲小物，我買左4個平安包款式既搓手液，$45/個（之後行前少少見到有間店平$5)😇 再加三杯飲品，一共$298, 我比$500 收銀妹妹找，佢找$102 比我🧐 之後我同佢講找少錢，我估因為妹妹真係太細個（十零歲）未係好識處理突發事，所以佢同我拗左幾句，但最後都有比返找少左既$100 我，但就冇say sorry 囉😇 對於做左10年有多飲食既姐姐我來說，略嫌少少🤏🏼冇禮貌。明既，都唔愁冇生意🤷🏼♀️
anyway 啦我地買左3杯分別係莓莓角酪，甘露角酪同芒芒角酪。先講左莓莓角酪先，係熱門飲品之一，我第一次都係飲呢杯，今次我朋友飲的。首先杯既正面有兩塊砌成心形既士多啤梨，加埋士多啤梨本既既粉紅色，打卡一流。飲落去有好濃既乳香味，有好重既乳酪味，酸酸甜甜，味道好夾👍🏼
之後就到我order 既芒芒角酪，賣相相對上冇咁突出，飲落去有少少酸，一樣好重乳香同乳酪味，不過整體感覺好似飲緊許留山咁，冇乜驚喜🤨🤔
之後就到甘露角酪，3杯之中呢杯既打卡度最高，個名都好吸收，不過最伏都應該係呢杯，我飲左幾啖，杯野完全勁酸，唔知佢本身係咁定因為太人客，忙中有錯唔記得落糖，入面應該係有啲西柚之類既野，都有啲澀，仲要最貴就係呢杯，認真唔抵👎🏻
其實我地order 既飲品入面有兩杯（芒芒同莓莓）suppose 應該有紫米係底，有紫米杯飲品個層次真係會豐富啲，而個menu 都有remark 有咩飲品係有紫米係入面。
我有一半都係因為啲紫米而揀酸奶系列，如果唔係我就試梳打系列架啦。。。不過好可惜，排到最後係收銀前面有個手寫既告示話紫米賣曬😱😱😱😱 但我已經排左咁耐，宜家唔排咪好笨，我果下心諗，冇紫米佢地應該會用其他既replace 掛？ 答案係：冇！ 令到本身成三十將幾四十蚊又細杯既野更加唔抵。
總括而言，今次既體驗差左好多，杯莓莓拎上手果時係暖既，應該係有某樣材料用曬雪唔切就要拎去用所致🤷🏼♀️ 我覺得洗再專登排隊試，經過如果冇人既話都可以試一次既。 不過我今日先知尖沙咀開左分店，有興趣既唔洗咁遠入到長洲試啦。
張貼
