千両 (已搬遷) 新店位置

呢間係太古城其中一間人氣店, 食午飯如果12:30去取飛都要起碼半個鍾頭先有位. 我哋一點放飯, 平時好難食到, 琴日老公放假, 佢一早去攞位, 終於食到.我點左最平o既人氣午餐, 只係$78 +10%, 有前菜, 炸野菜餅, 湯烏冬同5件精選壽司, 樣樣都好好, 野菜餅熱辣辣, 香脆吾油膩, 我至喜歡. 呢個餐係全場最多人叫, 分量足, 女士食足夠有餘.老公點左刺身定食, $132 +10%,有前菜, 麵豉湯, 刺生併盤同一大盆壽司飯. 刺生併盤有5款海鮮, 款款新鮮, 呢個份量/質素, 收呢個假錢好合理.我哋兩個都好滿意, 等下次老公放假在去過先.