嘉寶漢堡

呢間家寶漢堡好出名，其實想食好耐㗎啦，不過有幾次經過見到都好多人排隊，就放棄咗哈哈。難得今日早收工，就專程去食啦，好好彩完全唔使排隊。

嗌咗個黑松露芝士牛堡($50)，加$15呢就可以有小食同飲品。小食就揀咗炸燒賣同埋炸薯格。

黑松露芝士牛堡

$50

睇相都可以見到勁多汁，其實好好味㗎不過就真係食就有啲麻煩。

我覺得個炸燒賣真係冇得頂，外脆內軟好好食，其實佢仲加咗少少蛋黃醬，但係其實我覺得唔加已經好夠味。至於炸薯格都好香口，不過如果同炸燒賣比都係鍾意炸燒賣多啲。
當我同友人食完嘅時候係6:30左右，出面排晒長龍，即刻好慶幸自己今日早咗過嚟食。我覺得呢間餐廳係好食嘅，不過坐得唔係咁舒服，所以唔想等嘅話都係嗌外賣啦。