金飯館

營業中

休息中

今日放工去咗觀塘搵嘢食啦🍴支持吓一啲本地小店💪💪呢間金飯碗雖然係平民化，但係佢午餐嘅時間都大排長龍㗎。皆因佢咁嘅價錢用料份量十足，對得住良心。淨係見到佢嚟嘅每一碟飯都大碟到🈵🈵🈵金飯碗主要係食炒飯為主，除咗鑊氣十足，而且抵食夾大件🤩麻甩佬去食啱晒🤭簡直就係男人的飯堂🍴✨椒鹽豬扒炒飯✨淨係豬扒已經有兩大塊鋪滿喺個飯上面，豬扒比較腍身，椒鹽味配搭避風塘炒料非常惹味🤪邪惡到爆炸💥✨招牌蝦頭油炒飯✨用蝦頭油去炒超級香，裏面有蝦，櫻花蝦，蠔仔配料絕對唔馬虎，一啲都唔輸蝕，而且炒飯炒得好乾身，粒粒分明，呢個係食炒飯嘅必要條件🥰✨蠔仔肉碎泡飯✨呢個飯普普通通唔算特別🤣✨椒鹽粟米✨油泡左嘅新鮮栗米一啲都唔會過火，粟米依然食出香甜多汁，濃濃椒鹽惹味😝