城發粥麵店 (已結業)

今日心血來潮想食芙蓉蛋飯，食過返尋味，鑊氣夠，我鍾意。蛋夠香，饀料都足夠，有芽菜，韮黃，义燒，火腿，蝦，飯熱，加埋鑊氣十足，蛋有脆邊，我冇加豉油食，午餐連凍豆漿42元，灣仔黎講，好抵食。坐位係圓枱，圓椅，要搭枱，不過呢種類型最多一支公幫襯，咋咋淋食完去行吓，衛生環境一般，對地方有要求就未必啱喇。仲有粥品，炒麵，乾炒牛河都多人叫，有興趣可以試吓。