鐵魚川式食堂 (已結業)

餐廳地方唔算大，只可容納大概40人，裝修簡簡單單，算幾企理，而且唔似一般火鍋店嘈怨巴閉，反為相當清靜，三兩知己打邊爐傾吓計，相處合適。餐單其實好簡單，侍應都好詳細介紹，主要分”金”，”銀”，”銅”，分別係食物選擇多寡和任食時間長短，”金”有三個鐘係最長時間，亦最多食物選擇。我地見呢度幾清靜，食物又多，決定選”金” 和烤江團魚, 可以食耐啲。另外有飲之放題，我地選了$28任飲套餐，包括基本汽水及兩款自家製飲料。特別一提現場兩位女侍應，其中一位解釋餐牌詳盡清楚，而兩位都殷勤服務，經常為我地加湯，收拾盛載骨和食物渣嘅碗，落單送上食物和飲料都好快，的確值得稱讚👍🏻👍🏻。