鱘昧 (已結業)

位於尖東附近，新文華中心內有間主打日本鐵板餐廳-「鱘味」非常有格調，以黑色型格風為主題私隱度高。而店員亦細心服務，貼心招呼。估唔到鐵板燒食材新鮮，師傅功夫手勢好外，當中嘅刺身壽司都非常出色😋✨有驚喜～醉酒牡丹蝦牡丹蝦新鮮肉質爽嫩，而且微微帶有酒香🦐，非常香口。比平時普通淨牡丹蝦感覺更有層次！魷魚壽司魷魚新鮮🦑，有咬口。而壽司飯分量不大不少，剛剛好。壽司飯帶少少醋味唔會搶過魷魚刺身嘅新鮮。鮮帶子刺身擺盤精美，帶子刺身同樣新鮮，而且有一定厚度！一件上面加上魚子更添海水味！另一件加上新鮮海膽，入口即溶鮮味十足✨，令帶子本體質素😋更上一層樓！