影片
更多
2024-01-10
18 瀏覽
呢間日式料理喺銅鑼灣Sugar+上面，高層可以望到下面維園人來人往～餐廳採用木系裝修，樓底夠高，座位之間都好寬鬆，仲有吧枱可以望住廚師即席製作，環境坐得幾舒服！餐廳有自家嘅魚缸，到訪嘅客人都係食佢哋個海鮮鐵板燒，即叫即炒，夠晒新鮮而且有鑊氣，滿滿嘅儀式感！------------------------------👨🏻🍳◖Dinner Teppanyaki Set◗ $1480/pp鐵板燒套餐包咗多到菜式，逐道逐道咁上，基本上食完前菜同海鮮已經飽飽地，份量真係夠飽！🥗/季節前菜前菜擺得好精緻，有靜岡縣高糖番茄，酒煮鮟鱇魚肝，鱈魚白子。番茄好甜好多汁，外面有啲酸汁中和返甜味，好開胃；鮟鱇魚肝入口即溶，加咗啲柚子啫喱；白子口感好綿滑，冇腥味，處理得好好！🦪/南非鮑魚一上枱已經聞到超香，切到薄薄地一片片，口感爽脆彈牙，只係用少少黑胡椒同鹽帶返出鮑魚原有嘅味道，好食！🦐/野生大虎蝦採用嚟自澳洲嘅大虎蝦，剝殼剝得好靚，成條蝦尾出晒嚟，加咗啲蒜蓉落去煎，配合蝦油好香，口感係爽脆嘅，值得一試！🐠/香煎銀鱈魚廚師煎到個魚皮好脆，魚肉邊都好脆，裏面好嫩滑，一咬落去魚油同肉汁即刻擠晒出嚟，食到鱈魚自身
------------------------------
👨🏻🍳◖Dinner Teppanyaki Set◗ $1480/pp
鐵板燒套餐包咗多到菜式，逐道逐道咁上，基本上食完前菜同海鮮已經飽飽地，份量真係夠飽！
🥗/季節前菜
前菜擺得好精緻，有靜岡縣高糖番茄，酒煮鮟鱇魚肝，鱈魚白子。番茄好甜好多汁，外面有啲酸汁中和返甜味，好開胃；鮟鱇魚肝入口即溶，加咗啲柚子啫喱；白子口感好綿滑，冇腥味，處理得好好！
🦪/南非鮑魚
一上枱已經聞到超香，切到薄薄地一片片，口感爽脆彈牙，只係用少少黑胡椒同鹽帶返出鮑魚原有嘅味道，好食！
🦐/野生大虎蝦
採用嚟自澳洲嘅大虎蝦，剝殼剝得好靚，成條蝦尾出晒嚟，加咗啲蒜蓉落去煎，配合蝦油好香，口感係爽脆嘅，值得一試！
🐠/香煎銀鱈魚
廚師煎到個魚皮好脆，魚肉邊都好脆，裏面好嫩滑，一咬落去魚油同肉汁即刻擠晒出嚟，食到鱈魚自身嘅油香！
🌿/香草牛油帆立貝
鐵板燒帆立貝好大隻，超厚有口感；配咗自家醃製嘅三文魚籽，味道甜甜鹹鹹咁，食落爆汁；底下係海苔汁，仲有啲味噌嘅味道，湯頭好鮮！
🐂/美國頂級牛肉
牛肉分咗兩件厚燒同薄燒，燒到七成熟左右，兩款口感都好軟腍！薄切裏面包啲啲蔥同炸蒜，味道香味都增添唔少；厚切就要自己沾鹽，口感超軟腍！個人鐘意厚切多啲，牛味相對濃郁，另外加$220仲可以升級日本宮崎牛肉添～
🍙/鹿兒島櫻花蝦炒飯配炒什菜
炒飯粒粒分明，炒得乾身，仲有櫻花蝦嘅香味；炒什菜今次係豆芽炒菇，特別嘅係碟邊放咗啲特製XO辣脆，少少甜辣辣地配埋個菜幾惹味～
🥘/季節吸物
今次係紅蝦湯，好濃郁嘅蝦味，仲落咗南瓜，增加成碗湯嘅濃稠度同味道，暖笠笠飲返碗好舒服～
🍰/日式甜品
今日嘅甜品係檸檬海鹽蛋糕，每位有兩件，蛋糕幾軟綿，中間嘅忌廉有淡淡嘅海鹽咸味，仲有啲檸檬果乾粒，以呢個甜品做結尾都唔錯～
🌟 Encore指數：8.7/10
張貼
