餐廳主要分為5大區域，有鐵板燒區、壽司吧、炭火燒區、Sake Bar及Wine Room，供應鐵板燒、Omakase、壽司、刺身供應。
我地今次去食鐵板燒，直入見到壽司吧其他人食omakase都好似好正咁，下次要試下先得！
我地都order左佢個午市鐵板燒套餐, 包括有鮑魚，大蝦/鵝肝/帶子，牛肉；而個價錢係取決於你揀邊種牛同厚薄，我地揀左厚燒澳洲和牛 HKD500 ，個main我就揀左大蝦，朋友就揀左鵝肝。
一開始會有個茶碗蒸同沙律比我地做starter, 然後師傅會放晒係個碟上會比你睇你今日食咩，之後佢就會開始鐵板燒。
一個師傅serve 6-8個客左右，佢會想大家都係差唔多時間食完同一道菜。
1.鮑魚 - 新鮮又有鮮甜味，點少少鹽已經好好食。
2. 大蝦 - 肥美大隻，肉質勁彈牙，仲有好多蝦膏勁香口！
朋友geh鵝肝，佢話充滿油香都好好食！
3. 厚燒澳洲和牛 - 牛就正常發揮，但個蒜好好食！
4. 和牛炒飯 - 炒飯炒得乾身，粒粒分明，加埋D牛碎就好有油香。
5. 極邪惡砂糖牛油多士脆脆!!! 一定要食!!!
