牛石料理 (已結業)

今次嚟到牛石料理特登試吓佢嘅料理菜式！同鐵板燒一樣冇令到我失望。軟殼龍蝦海葡萄沙律軟殼蟹就聽得多軟殼龍蝦真係第一次聽！成隻軟殼龍蝦連殼食除咗風味十足之外，龍蝦肉亦都好彈牙厚實！加埋鹹香嘅 海葡萄絕對係一流嘅佐酒小食！講到沙律當然唔少得食 軟殼蟹沙律啦！一樣必食嘅就係皇帝蟹當！我見住師傅將原隻皇帝蟹腳拆肉，蟹肉鮮甜 ，亦好做事！而且份量十足加埋少少蟹膏 真係唔覺意就食咗一碗。作為飯桶，我哋仲帶咗兩個米飯為主嘅菜式，京蔥拖羅反卷，綿滑嘅拖羅溶，加上惹味京蔥絲，連埋清新 嘅青瓜一齊食，食落油脂甘香，又唔怕 油膩。 還有 明太子櫻花蝦茶泡飯，明太子出名送飯一流，加埋櫻花蝦簡直係味覺雙重嘅刺激。泡飯加入左抹茶，中和櫻花蝦同埋明太子嘅嘅鹹味，入口更加順滑！