影片
更多
2018-11-21
83 瀏覽
今晚又同一大班朋友去左鉄人旨花聚一聚, 揀選呢度嘅原因係鐘意佢無論係環境、食物 & 服務方面, 都非常出色｡今晚好彩有預先 book 定檯, 7:30 左右黎到已經差不多坐滿晒成間餐廳｡ 由於我地人多嘅關係, 可以獨佔左一張半圓形嘅鐵板燒枱｡今晚揀選左呢個鱈場蟹鉄板燒套餐｡沙拉沙律菜夠新鮮, 特別係蘆筍仔, 口感爽嫩, 配埋芥末酸汁一齊食, 非常開胃｡汁煮白鱈魚師傅一開始就將洋蔥炒至焦黃, 然後慢慢加入上湯一齊繼續煮｡ 同一時間, 白鱈魚微微煎香後, 將魚皮慢慢起出黎繼續煎至脆身, 最後將魚肉放入洋蔥汁略煮一下｡魚皮插喺魚肉上, 口感脆卜卜｡ 魚肉外層煎到焦脆, 肉質仍然保持嫩滑, 配埋香濃嘅洋蔥汁一齊食, 無論口感 & 味道都係 Ichiban 呀｡ 清酒焗鱈場蟹鱈場蟹用清酒慢慢焗, 令蟹肉味特別香濃, 仲配左個特製嘅芥末醬｡ 蟹腳嘅殼已經微微掰開, 所以食嘅時候好容易就起晒 D 肉出黎｡ 蟹肉非常粗大厚身, 可以食到啖啖鮮甜嘅蟹肉咸香味｡奶油煮白蘆筍白蘆筍經奶油慢煮過後, 口感仍然爽脆, 味道鮮甜多汁, 係食和牛之前好好清清味蕾嘅菜式｡熊本縣產 A5 和王牛和牛嘅生熟度啱啱好, 完
今晚好彩有預先 book 定檯, 7:30 左右黎到已經差不多坐滿晒成間餐廳｡ 由於我地人多嘅關係, 可以獨佔左一張半圓形嘅鐵板燒枱｡
今晚揀選左呢個鱈場蟹鉄板燒套餐｡
沙拉
沙律菜夠新鮮, 特別係蘆筍仔, 口感爽嫩, 配埋芥末酸汁一齊食, 非常開胃｡
汁煮白鱈魚
師傅一開始就將洋蔥炒至焦黃, 然後慢慢加入上湯一齊繼續煮｡ 同一時間, 白鱈魚微微煎香後, 將魚皮慢慢起出黎繼續煎至脆身, 最後將魚肉放入洋蔥汁略煮一下｡
魚皮插喺魚肉上, 口感脆卜卜｡ 魚肉外層煎到焦脆, 肉質仍然保持嫩滑, 配埋香濃嘅洋蔥汁一齊食, 無論口感 & 味道都係 Ichiban 呀｡
清酒焗鱈場蟹
鱈場蟹用清酒慢慢焗, 令蟹肉味特別香濃, 仲配左個特製嘅芥末醬｡
蟹腳嘅殼已經微微掰開, 所以食嘅時候好容易就起晒 D 肉出黎｡ 蟹肉非常粗大厚身, 可以食到啖啖鮮甜嘅蟹肉咸香味｡
奶油煮白蘆筍
白蘆筍經奶油慢煮過後, 口感仍然爽脆, 味道鮮甜多汁, 係食和牛之前好好清清味蕾嘅菜式｡
熊本縣產 A5 和王牛
和牛嘅生熟度啱啱好, 完成符合 5 成熟嘅要求｡ 師傅 recommend 左幾個食法俾我地: 先食原味, 然後分別再沾上海鹽、Wasabi 或酸汁一齊食｡ 和牛肉質非常鬆軟, 脂肪比例均勻, 肉味非常香濃｡
配菜同樣出色, 有香甜嘅南瓜, 腍滑嘅茄子, 多汁嘅大啡菇 & 脆卜卜嘅炸蒜片｡
蟹膏炒飯
用左蟹膏、蛋、洋蔥粒、蘿蔔粒一齊炒, 炒到粒粒分明, 非常乾身, 而且蛋味香濃, 食落去仲有陣陣蟹膏香味｡
清酒雞湯
雞湯加入清酒煮過後, 酒精完全揮發, 但味道較清淡, 放入帶子後增加左少少口感｡
紅豆雪糕
雪糕入面有紅豆肉, 而且加埋粟米脆片一齊食, 係大人 & 小朋友都鐘意嘅配搭｡
題外話/補充資料：
餐廳喺擺盤上都別具心思, 鐘意用食用花黎裝飾大部份嘅菜色, 所以食嘅時候不妨試試食用花嘅味道丫
(以上食評乃用戶個人意見 , 並不代表OpenRice之觀點。)
張貼
