鐵板一 (裝修中)

朋友介紹鐵板一又平又好食，前日book咗枱試一試，係咪真係咁高性價比～今日book 左鐵板七折優惠～ 餐廳環境：都算擠迫，但都算乾淨，昏昏暗暗嘅西餐情調，但枱與枱之間都比較近，可以聽到隔離枱講咩～食物質素：今次點咗兩個餐，安格斯肉眼扒六成熟和雜扒餐～先講安格斯肉眼扒，好大件，廚師真係煮到六成熟嘅效果！再講什扒餐，有半塊雞扒，半塊豬扒，一塊牛脷和一塊煙肉，分量其實都算少～兩個餐都係跟住條什菜等等～其實味道就普普通通，但個鐵板餐有一個致命傷！就係倒汁既時候，完全冇炸一聲，係完全無！！ 啲汁完全係鯨咗喺塊鐵板度，好明顯塊鐵板係完全完全唔夠熱！ 價錢： 兩個餐連加一，埋單二百四十蚊左右，價錢都算平，不過食物同環境就好一般，會被納入為冇下次嘅系列！