影片
更多
2018-12-18
39 瀏覽
鐵牛點解會去食：2018-12-02 睇完個朋友嘅證婚儀式，等夜晚開席之間嘅空檔時間，去食啲野打定個底先，通常去飲都九點先食得嘛。近近地試下呢間台灣野。食物新鮮程度：⭐⭐⭐紅燒牛筋腩麵：麵質算唔錯，唔會太淋。牛筋腩好入味，唔痴牙。芝士鹽酥雞：冰鮮雞...略嫌「鞋」左啲，唔夠味。唔夠熱。麻辣豬耳：呢啲冷盤唔會差得去邊嘅。對於我呢啲唔係好食得辣嘅人就係超辣...食左幾舊就食唔到了～洛神花茶：無咩味...但因為凍野，所以解辣都幾好。食物合適溫度：⭐⭐⭐湯麵都算夠熱。但鹽酥雞就麻麻喇，暖咋。食物驚喜程度：⭐⭐⭐本身都幾期待個芝士鹽酥雞，呢個組合我係好喜歡的。但最後有點失望，雞無咩味，芝士唔香...—————————————————服務員態度：⭐⭐⭐招呼就麻麻喇...係要自己出去counter 買野食俾錢先嘅，個收銀姐姐全程黑面，講野又細聲。其他staff 都算做返份內事，叫佢都會過黎幫手。—————————————————最重要系。。。我會唔會再去？重遊指數：⭐⭐⭐
點解會去食：
2018-12-02 睇完個朋友嘅證婚儀式，等夜晚開席之間嘅空檔時間，去食啲野打定個底先，通常去飲都九點先食得嘛。近近地試下呢間台灣野。
食物新鮮程度：⭐⭐⭐
紅燒牛筋腩麵：麵質算唔錯，唔會太淋。牛筋腩好入味，唔痴牙。
芝士鹽酥雞：冰鮮雞...略嫌「鞋」左啲，唔夠味。唔夠熱。
麻辣豬耳：呢啲冷盤唔會差得去邊嘅。對於我呢啲唔係好食得辣嘅人就係超辣...食左幾舊就食唔到了～
洛神花茶：無咩味...但因為凍野，所以解辣都幾好。
食物合適溫度：⭐⭐⭐
湯麵都算夠熱。但鹽酥雞就麻麻喇，暖咋。
食物驚喜程度：⭐⭐⭐
本身都幾期待個芝士鹽酥雞，呢個組合我係好喜歡的。但最後有點失望，雞無咩味，芝士唔香...
—————————————————
服務員態度：⭐⭐⭐
招呼就麻麻喇...係要自己出去counter 買野食俾錢先嘅，個收銀姐姐全程黑面，講野又細聲。其他staff 都算做返份內事，叫佢都會過黎幫手。
—————————————————
最重要系。。。我會唔會再去？
重遊指數：⭐⭐⭐
張貼
