雋太日本料理 (已結業)

其實小弟真係好鐘意食放題，貪佢多選擇，仲要任食！呢日機原巧合黎到元朗，梗係要食埋飯先走啦。老實講，平時真係冇乜幾何黎，不過都聽聞呢區多野食，仲要好多日本餐廳都平靚正。不過朋友住呢區，所以book左屋企附近呢間。一坐底已經俾佢既upgrade 放題吸引住。放題都有生蠔，松葉蟹腳同阿根廷赤海蝦食？！我地只upgrade 左食生蠔同蟹腳，都要留肚食其他野架~~生蠔每人每次只可叫三隻，食完可再叫。中等size,海水味唔算好重，肉地夠厚身，都算ok。我地食左勁多round! 蟹腳有小驚喜，多肉，有鮮味，我地每次叫一客，食完再叫，keep住唔會攤到變暖丫麻。4個人送左個蒸海鮮鍋，扇貝好大粒，蒸完都有成隻湯匙咁大！重點係真係好鮮美！我地連d汁都全部飲晒！唔好浪費。蒸三文魚就不過不失，不過個人就喜愛三文魚就咁刺身食。蒸大蝦，肉身夠爽，不過如果蒸海鮮黎計，小弟都係喜歡貝殼類海產。就好似呢個大蜆，其實海鮮夠新鮮就一定好食，我地當然唔會放過d精華啦XD 粥底仲有兩大舊豬肋骨去煲，唔怪得咁夠味啦。雖然生蠔同蟹腳已經食左好多，但放題點少得刺身，三文魚肉眼睇已經好肥美！油金魚同劍魚腩同樣鮮味，d魚油充滿成個口腔！