我要烤魚串燒烤魚專門店 (已結業)

今晚約咗個好耐無見既朋友食飯💘佢一向都好鍾意食烤魚，大力推介我一定要試呢間✨我要烤魚😋旺角分店地方寬敞舒適，枱同枱之間有適當距離，而且冷氣夠大，可以涼住冷氣食烤魚串燒一流😬🔹萬州香辣烤魚今次烤魚揀咗BB辣，清江魚嘅口感嫩滑同埋充滿油香！烤魚嘅外皮先炸至香脆，再落鍋煮～魚肉吸滿湯汁之餘表皮仲係脆卜卜！口感一流！魚肉嘅份量夠哂多而且清江魚新鮮嫩滑，配上香辣惹味嘅湯底真係勁滿足～烤魚湯底仲有其他配菜，包括蓮藕、萵筍、芽菜、薯仔片、娃娃菜、魔芋等，配菜方面我地另外加咗手切封門牛柳同埋響鈴，手切封門牛柳油花少而肉味濃，食落爽嫩軟滑，加上油脂分布均勻，口感極其柔軟～另外都推薦佢哋嘅燒烤！！特別推介係🔹陀地燒茄子，除咗配料足夠惹味之外，仲加入有麻辣菜脯，食落脆卜卜，而且茄子夠新鮮好Juicy！另外都推薦佢哋嘅🔹新疆羊肉串，羊肉同肥肉比例啱啱好～重油香，愛食羊肉嘅朋友一定鍾意！另外叫咗幾款燒烤，包括牛舌心、泰式豬頸肉、燒生蠔，整體水準都好好，難怪咁多捧場客！嘢飲方面叫咗🔹青檸梳打，清爽又解渴，啱晒食辣嘅烤魚同惹味串燒！我要烤魚串燒烤魚專門店✨📍旺角通菜街1A-1L號威達商業大廈Deli2 1樓1A號舖