鬼滷

營業中

休息中

我都無咩寫過食評，呢間可以令我寫一寫，係openrice book 左兩位，食夜晚，第一枱客，位置有限，所以都明比一張枱我哋，但之後兩枱都係兩個人，但人哋就坐四人枱，ok ,可能我都唔係叫好多野所以無加到枱比我，前菜同野食都到左，都無比過水我哋，咁放兩隻杯比我哋，係為咩？張枱好細，啲碟又大，我叫3樣野食，嗰張枱都放唔落，講返野食，小食有個爆谷，呢個係最正常嘅野食，其餘叫左個滷水拼盤,揀左鵝片，鵝腸，同豬仔脾，賣相好過出面d 打冷，但味道就...無味，公道d 講，鵝片係有d 鵝味嘅，其他我唔識形容，未食過咁淡味嘅滷水，另外叫左蘭王蠔餅，邊忽蘭王？完全無蛋味，d 蠔又腥，唯一讚係炸得酥脆，最後叫左個唔知咩炸豆腐，豆腐無味我明，但佢比嗰碗唔知咩嘅野點，係唔係應該有d 味？？除左佢入面d韭菜有少少味，真係少少，其除嗰d 汁，其實唔可以叫汁，係無味到好似水咁🙄 仲有一樣，叫左個辣椒油點嗰d 滷水，頂，d辣椒油又係淡味到一個點，我擴闊左我自己嘅視野，原來辣椒油可以冇辣味，好勁。成餐飯搵個侍應都難，唔知係咪QR code落單嘅緣故，可以唔知道啲侍應走咗去邊，總括，唔會再食！送我都唔食！