聽蕭生講時事就聽得多，佢d餐廳就真係第一次去。嗌左兩個早餐。今日一問，冇牛角包，我地都想叫牛角包架麻...唯有轉多士。
鮮茄雞扒米粉拼煎蛋多士：鮮茄湯底，竟然係淡版羅宋湯，
放左幾舊蕃茄同紅蘿蔔蘿蔔粒，唔係我以為既濃濃既茄湯。雞扒另上，係好既，廢事浸淋左塊雞扒。不過塊扒deep fried，炸得太硬，好熱氣呀。係淡淡肉，不過有少少雪藏味。
煎蛋，其中一隻蛋煎爛左，唔令。多士正常。
厚切豬扒公仔麵拼火腿奄列多士：朋友話普通，塊豬扒係厚身，不過係肥扒，超多肥膏，唔韌，又係deep fried。公仔麵係清湯底，冇特別。奄列好細份，味道ok。
整體黎講，普通。service普通。
