五代同糖 (已結業)

今日難得一次到港島同舊同學食飯，食完飯又唔想散場，又揸住部車唔飲得酒，咁同學仔就提議食糖水啦，本來想去糖伯府，不過揸車經過見到人太多，又無位泊低架車，就左兜右兜睇下邊度有得放低架車，結果又行錯路，港島始終唔熟路，點知轉下轉下見到間紫色招牌既糖水舖，又咁好彩條街有位泊，咁就博一鋪試下咩料啦，反正唔知去邊　呢間野個名叫「五代同糖」，幾得意，新裝修，睇落乾乾淨淨，個廚房又係透明既，應該係對自己衛生有信心呱，咁我同另外三個同學仔就叫左榴槤雪花冰，榴槤雪糕，榴槤奶凍，（我地係榴槤愛好者），仲有一位唔食榴槤，就叫左個黑白涼粉（因為之前未聽過白涼粉)，等左一陣食物到，即試，我地三個食左一啖榴槤奶凍，都係得同一句，「得喎！」跟住試埋個黑白涼粉，白涼粉原來係椰子味，勁得意，跟住食個雪糕，勁正，真係好好食（後來知道係佢地自己師傅做既) 總括黎講，味道唔錯，雖然menu 上仲有好多其他野都好吸引，不過飽飽試唔到其他野，唯有下次！跟住有個小插曲，我地坐坐下見到對面街有好似明星既人行過，跟住店長就話，「對面係食貴野，好多明星同有錢佬出入架，佢地有時會叫助手黎買外賣」我地聽完後決定下星期再黎，一來試下其他野，二來