影片
更多
2011-09-30
13 瀏覽
早排朋友話呢度好食, 咁岩女友媽咪心血來潮想食放題, 咁就約女友同媽咪一嚐呢度的放題, 果晚係宵夜時段, 剛好有一張吉枱, 唔使等位, 咁就扑入去, 點不知就中伏了..... 一開始, 待應比張紙仔我地簡, 有幾款送的指定精選食物, 每人可選2款, 有鵝肝多士、,帆立貝北海燒、BBQ醬燒骨、黑松露醬油壽司、炸海膽但睇落都唔覺呢d野點解可以叫精選, 諗過都係費事"掙"飽個肚, 選個燒元貝X2, 留番個肚, 食多d刺身, ~ 女友佢地簡左鵝肝多士同黑松露醬油壽司, 鵝肝如其名, 真係乾既 老實話, 呢D普通野放埋去任食單都得啦, 唔好話鍾唔鍾意食, 都覺得限每人點兩客就有點小家了 睇埋其他任叫既, 好食過呢d精選既都大把, 都唔知精選黎做乜刺身:主攻三文魚同少量八爪魚、飽魚片刺身, 味道普通唔在講, 份量都係小家作風,刺身又薄又細件, 細細件都算, order多次都係比唔足(點廿件連十件都冇) 比唔足再算啦, 等左成半個鐘先肯拎黎! 到底想點先?! 等人食飽d熟野, 可以食少d刺身丫!? 燒物:羊扖: 係好食的, 個人唔鍾意生生地, 熟得黎又唔騷, 連平時好抗拒羊騷味的auntie都食幾件
果晚係宵夜時段, 剛好有一張吉枱, 唔使等位, 咁就扑入去, 點不知就中伏了.....
一開始, 待應比張紙仔我地簡, 有幾款送的指定精選食物, 每人可選2款,
有鵝肝多士、,帆立貝北海燒、BBQ醬燒骨、黑松露醬油壽司、炸海膽
但睇落都唔覺呢d野點解可以叫精選, 諗過都係費事"掙"飽個肚, 選個燒元貝X2,
留番個肚, 食多d刺身, ~
女友佢地簡左鵝肝多士同黑松露醬油壽司, 鵝肝如其名, 真係乾既
老實話, 呢D普通野放埋去任食單都得啦, 唔好話鍾唔鍾意食, 都覺得限每人點
兩客就有點小家了 睇埋其他任叫既, 好食過呢d精選既都大把, 都唔知精選黎做乜
刺身:
主攻三文魚同少量八爪魚、飽魚片刺身, 味道普通唔在講, 份量都係小家作風,刺身又薄又細件,
細細件都算, order多次都係比唔足(點廿件連十件都冇) 比唔足再算啦, 等左成半個鐘先肯拎黎!
到底想點先?! 等人食飽d熟野, 可以食少d刺身丫!?
燒物:
羊扖: 係好食的, 個人唔鍾意生生地, 熟得黎又唔騷, 連平時好抗拒羊騷味的auntie都食幾件,
雞軟骨串: 冇味的, d鹽好貴咩!? 差差差!
中蝦: order最多的係呢個, 鹽燒係幾香的, 蝦肉唔霉, 算係新鮮,
粥麵飯:
日式蟹粥: 全日最差係呢個! 粥冇蟹的鮮味, 水稀稀, 難食到喊, 未食過咁難食的蟹粥
迷你魚生飯: auntie點的, 不過不失, 老實講, 呢個都唔得就算罷啦…..
炸物:
蝦天婦羅: 蝦幾好食, 係粉厚同多左d
紫芋甘粟薯餅: 女友叫左幾次, 應該幾好食,
甜品:
東瀛雪球: 咪即係雪糕糯米糍, 咪比個名呃到
鐵板燒:
薄燒牛肉卷: 薄得黎, 食落幾有口感, 係多油左少少, 但好食的
鐵板牛柳粒: 比預期失望, 唔夠香
卷物:
軟殼蟹卷: 又係唔好食, 食落有少少腥腥地
飲品:
玄米綠茶: 好大杯……..但冇茶味
總括黎講, 野食係幾多既, 但計埋又遲單、又漏單、又錯單，食到幾多想食既野,
你真係自己諗啦! 短短兩個鐘, 居然送錯左四次野黎, 都係d炸野, 想點先? 博大霧比客
人食飽d cheap野, 哽左佢? 比d麥樂雞我, 咪玩啦! 又唔見佢比錯d三文魚刺身我?!
最唔開心既一件事, 就係叫last order時, 我地拿拿聲填左幾張單, 都係點鹽燒蝦同刺身,
咁就叫位少許肥胖的待應小姐入單, 見佢黑哂口面咁收單, 眼都唔望多眼, 好不屑咁收左
叠單, 我估佢可能覺得我地阻住佢收工啦 (因為我食的係最後的宵夜時段), 等左好耐, 覺
得唔對路, 就問番果個略肥胖的待應小姐追單啦, 佢竟然話已經冇哂三文魚同蝦!!
呢d到底係乜野service? 賣哂都要同客人講聲啦下嘩? 叠單去左邊? 大家自己想像!
今次係我第一次食放題的宵夜時段, 感覺真係好差! 唔會再去第二次!
放題食唔少, 係未食過間咁差的!
如果我一早有睇OPEN RICE評! 一定唔會黎呢度!! 我好後悔, 點解事前唔睇openrice!!
張貼