影片
更多
2012-06-20
3 瀏覽
上次見個番書仔同事食緊件用錫紙包裝嘅烤卷食到津津有味咁，佢就話LKF附近開左間墨西哥快餐店，喺Taco Truck買個餐又快過麥記同Subway，仲向我推薦佢食緊果件Burrito，話好味過Pret A Manger果D wrap添！好奇心推使下，下晝出開去做野經過時就諗住幫襯下啦～正值Tea time，就隨便叫個Taco外賣番公司慢慢食啦。佢個包裝其實都幾特別，食品都鐘意用錫紙包住。一打開就可以見晒Taco上面嘅材料。雖然Taco個Size唔大，但上面配料都算幾多㗎！上面嘅豬柳粒煮得幾香口，滴D青檸汁再食就更見清新；塊皮冇我想像中咁脆，雖然都幾好味，番書仔同事話Corn Tortilla會脆D喔！ 食完2件Taco有D唔夠喉，真係應該Order多杯野飲或者Nachos嘆下。。。番書仔同事話下次一齊去Taco Truck道食或叫外賣（佢地有送餐服務）添！咁就啱啦，佢個餐牌有Enchilada、Burrito、Nachos、Quesadilla等等，有晒中文翻譯但我統統都未試過，下次同喱支盲公竹食完再同大家報告！
上次見個番書仔同事食緊件用錫紙包裝嘅烤卷食到津津有味咁，佢就話LKF附近開左間墨西哥快餐店，喺Taco Truck買個餐又快過麥記同Subway，仲向我推薦佢食緊果件Burrito，話好味過Pret A Manger果D wrap添！
好奇心推使下，下晝出開去做野經過時就諗住幫襯下啦～
正值Tea time，就隨便叫個Taco外賣番公司慢慢食啦。
佢個包裝其實都幾特別，食品都鐘意用錫紙包住。一打開就可以見晒Taco上面嘅材料。雖然Taco個Size唔大，但上面配料都算幾多㗎！上面嘅豬柳粒煮得幾香口，滴D青檸汁再食就更見清新；塊皮冇我想像中咁脆，雖然都幾好味，番書仔同事話Corn Tortilla會脆D喔！ 食完2件Taco有D唔夠喉，真係應該Order多杯野飲或者Nachos嘆下。。。番書仔同事話下次一齊去Taco Truck道食或叫外賣（佢地有送餐服務）添！咁就啱啦，佢個餐牌有Enchilada、Burrito、Nachos、Quesadilla等等，有晒中文翻譯但我統統都未試過，下次同喱支盲公竹食完再同大家報告！
張貼
