皇玥 (已結業)

皇玥鋪頭越開越多，越買越方便，而且款式眾多，每年都會買嘅奶黃月餅，送禮必備嘅蛋捲，到今次回購嘅牛油脆曲奇同埋芝士薄脆。牛油脆曲奇同埋芝士薄脆都係精裝禮盒，脆曲奇一盒12塊，點數都唔夠喉，一開盒已經食左三塊，好在獨立包裝禁住自己唔好一次過食晒！拆開包裝袋已經有濃郁牛油味，曲奇較薄，所以比較脆口，但都仲保留咬口，咬落除左牛油香，蛋味都好濃!芝士薄脆有兩包，入數各有10片左右芝士脆片，脆片比薯片厚，比曲奇薄，咬落芝士味重，而且無薯片咁熱氣，唔覺意成包食晒。禮盒裝送禮自用都合適，而且餅製品都係香港製造，保鮮期較短，新鮮有保證！