深宵食堂 (已結業)

好開心 終於到星期五可以輕鬆一下黎到百樂中心樓下 見到一整棟都係食肆 一時間諗唔到食邊間到 驟眼間見到「深宵食堂」覺得個名好吸引 繼而好想發掘呢個深宵食堂有咩好食 就懷住好奇既心上去了（改好餐廳名既重要性）店裡充滿木元素 雖然店小但感覺好溫暖7點上到去已經滿座！呢刻我就覺得自己無選錯餐廳了串燒雞軟骨因為所有食物即叫即燒 所以時間要耐少少 雞軟骨表面灑上鹽 食落好惹味軟骨燒到好乾 但中間既軟骨爽脆 脆炸生蠔蠔唔一定要生食 熱食都一樣吸引！剛炸起既金黃色生蠔好誘人 咬落粉漿唔厚 食時點上燒汁 味道有d似章魚燒炸魷魚比起出面餐廳既魷魚 呢到既魷魚大條兼粗身 外脆內軟 雖然經過高溫油炸但肉質仍保持到水份蒜蓉燒原隻大海蝦非常有份量既一隻深海大蝦 足足有一隻筷子咁長蝦肚放滿蒜蓉 蝦肉唔單止吸收左蒜蓉味 而且仲保持到肉汁 蝦大肉亦多 咬落口感一級棒鵝肝雜菌石鍋飯今晚既重頭戲-鵝肝飯！感覺好豪華 兩大塊鵝肝配飯食還記得飯剛送上時仍香味四溢 飯吸收左鵝肝既味道 即使就咁食白飯都唔會覺得無味！鍋底仲會有飯焦蒜片一口牛當日廚師推介既一道菜式（不在menu上）牛粒超級juicy 肉質鮮嫩 啖啖肉好爽係間會回頭