牛川日本和牛專門店 (已結業)

好耐無食過燒肉，正值媽咪生日，我想帶她想食得好少少，就book了牛川食燒肉。$458就可以食到和牛放題，任食120分鐘，我地揀咗尊貴和牛套餐，試下不同質素的牛肉。餐廳仲有其他價格既套餐可供選擇。尊貴和牛套餐 $458我們先點了燒牛柳沙律、日本A5和牛拼盤、海鮮拼盤和手工月見燒鳥串。日本A5和牛拼盤有8款肉類，比如A5 牛匠岩手黑毛和牛牛冧、牛肩梅花、A5 熊本黑毛和牛牛五花片等，當中牛冧、牛肩梅花肉味濃厚，牛五花油脂豐富；除咗和牛拼盤入面既款式外，餐單仲有幾款其他種類既牛肉部位可以叫，例如牛舌。海鮮拼盤附有魷魚、甲羅燒、扇貝同海蝦，甲羅燒放落個爐度燒返約5分鐘，再抹上蒜蓉麵包片，食落蟹味香濃，麵包片烘一烘更好食。刺身食落新鮮，帶子厚肉鮮甜。熱食中有和牛漢堡扒印象都幾深刻，一份超大塊漢堡扒，食落牛肉味重，啖啖肉好滿足；另一個就喺明太子薯條，薯條香口美味，小食整體質素不錯。最後每個人都可以叫一個甜品，可以揀Movenpick或者大阪雪糕來食，餐廳有個自助飲料吧，除咗常見既紙包飲品之外，仲有唔同口味自家果茶，茶味回甘解膩。