芯 (已結業)

平時去銅鑼灣多數都係去SOGO、希慎嗰頭食飯，今次就比我發掘左一間銅鑼灣地帶商場嘅黃店日本菜「芯」，佢哋嘅午市套餐菜式仲要好種類豐富🤗。🏝夏威夷海鮮丼🍚食材豐富新鮮：有三文魚同吞拿魚🐟，加上紫蘇葉、牛油果🥑、青瓜🥒配料， 色彩鮮豔非常又有顏值。要全部材料一大口食落去先食到海鮮丼嘅精粹👍🥣時日餐湯：豆乳湯豆味超濃郁仲飲到淡淡的奶香味，裏面仲有少量嘅蔬菜做配料，食完個海鮮丼飲番個熱湯好暖胃🥰🥤薄荷青檸梳打當我唔小心食咗啖芥末嘅時候，呢杯嘢飲簡直係我嘅救星😂，薄荷加青檸加梳打水呢個組合冇得輸，少少甜，啱晒我☺️