顏府御膳 (已結業)

銅鑼灣✨中式Fine Dining ❤️中菜廳來講環境一流，枱與枱之間隔得開，空間感十足，頭頂嘅吊燈好有氣派。職員服務好好，幫你斟茶，又關心進食進度，安排上菜🙌🏻☺️整體感覺都好高級Set Dinner $780@❁ 前菜三色素鵝拼積木茄子/秘製臭豆腐凍盤三色素鵝用左腐皮包住紅蘿蔔絲、萵筍絲等等。感覺幾清新。積木茄子整得好靚，唔睇餐牌唔知佢係茄子，沾上左薄薄粉漿，炸得通透，配上椒鹽，香口惹味。諗到呢度都有臭豆腐🙊又臭又香，加埋甜醬辣醬幾好食。❁ 湯品蟹肉蛋白冬茸羹/竹笙花菇燉菜膽🍲蟹肉羹真材實料，食到一絲絲嘅蟹肉，濃稠適中。加入左蛋花、冬茸，材料豐富。竹笙花菇燉湯同樣出色，竹笙唔似平時過淋，反而係好厚身好爽口，整體感覺好清潤。❁ 金榜醬六頭大虎蝦六頭虎蝦大得誇張，手掌般大✨✨😱第一次食金榜醬，感覺有少少似冬陰功，椰汁味道香濃。蝦本身已經開邊，可以用刀叉切開佢，非常方便食用，蝦肉爽彈有鮮香🦐❁ 八珍老薑一口黑豚肉黑豚肉充滿甜醋香✨✨外層脆卜卜，而且好乾身，內裏鬆軟☺️呢個真係好滿意好好食，好有咬口，加上蕎頭、紅薑，酸甜開胃。❁ 酸菜桂花魚球原條桂花魚起肉，桂花魚肉厚實。湯底有少少辣，但可接受。