顏府御膳 (已結業)

呢日約埋一位舊同學去銅鑼灣行街睇戲食飯，玩完一大輪、買完嘢咁Happy，最後一站當然唔會虧待自己個胃，我哋揀咗呢間位於Cubus嘅精緻中菜館—顏府御膳，餐廳環境極具氣派，裝修典雅，氣氛有格調。琥珀合桃糖漿+芝麻，合桃嘅完美組合。縢椒木耳整體味道微辣，我哋兩位都好鍾意食呢種酸酸辣辣嘅嘢，食落好惹味，唔會話辣到食唔到，作為前菜嚟講絕對合格，夠晒開胃！鮑汁鳳爪雞腳燜得好腍，每隻雞腳索晒醬汁好入味。與此同時，雞腳唔會煲到爛晒，上枱狀態剛剛好，友人完全食唔停口。粉葛赤小豆湯嚟到中菜館當然要一試當家中式老火靚湯，老拍檔豬骨、粉葛、赤小豆，健脾去濕又消腫，啱晒香港人體質。鮮淮山炒和牛淮山非常爽脆，對健康有好多正面功效。高質靚和牛，肉質好嫩、有牛味，除咗淮山同和牛之外仲有好多菇。大澳蝦醬唐生菜煲啫啫生菜煲，生菜有濃郁嘅蝦醬香味，令人食到停唔到口！