影片
更多
2016-10-29
366 瀏覽
銅鑼灣真係有好多好野食，今次就去食下日本燒烤！事緣我本身係唔知道有呢間燒烤餐廳，係上一次同朋友係同一座大廈食過第二間餐廳，等𨋢果時係水牌見到，於是就想下一次去試下。呢間燒烤餐廳叫火山燒，今次就同屋企人去食，一坐底就見到個燒烤爐係枱面，四四方方咁，左邊冇鐵線，原來係燒生蠔果d有殼嘅海鮮，右邊係燒肉類同蔬菜。每個燒烤爐上都貼心地有一個獨立抽油煙機，所以食嘅時候唔會有好多油煙噴出來。由於我地非常肚餓，所以幾乎每樣配料都叫d，肉類嘅有牛柳粒、黑豚腩片、叉燒、豚排、牛肩肉、香草羊背肋、半隻雞、雞軟骨等。海鮮就有鯖花魚、三文魚頭、三文魚骨、青口、生蠔、墨魚鬚等。蔬菜我地就有叫粟米筍、茄子、鮮冬菇、日本青椒仔、秋葵、三色甜椒、薯仔等。呢度d其他配料都好得，例如魚翅褔袋、金菇肥牛串、豚肉餃子、糯米雞肉串、札幌八爪魚餅、玉子燒、和風豚肉腸等。除咗燒烤之外，我地叫咗個雜錦海鮮煱，入面有蜆、豆腐、蟹柳、青口、粉絲等，個湯底好鮮甜！粉絲索哂d湯汁，食嘅時候好濃味！我地一路燒住等d配料，食食下覺得有d口渴，就叫野飲，呢度只要加$20就可以任飲，我地都叫咗d汽水飲。燒咗咁多野，我有幾樣野要推薦比大家。第一就係魚翅
事緣我本身係唔知道有呢間燒烤餐廳，係上一次同朋友係同一座大廈食過第二間餐廳，等𨋢果時係水牌見到，於是就想下一次去試下。
呢間燒烤餐廳叫火山燒，今次就同屋企人去食，一坐底就見到個燒烤爐係枱面，四四方方咁，左邊冇鐵線，原來係燒生蠔果d有殼嘅海鮮，右邊係燒肉類同蔬菜。每個燒烤爐上都貼心地有一個獨立抽油煙機，所以食嘅時候唔會有好多油煙噴出來。
由於我地非常肚餓，所以幾乎每樣配料都叫d，肉類嘅有牛柳粒、黑豚腩片、叉燒、豚排、牛肩肉、香草羊背肋、半隻雞、雞軟骨等。海鮮就有鯖花魚、三文魚頭、三文魚骨、青口、生蠔、墨魚鬚等。蔬菜我地就有叫粟米筍、茄子、鮮冬菇、日本青椒仔、秋葵、三色甜椒、薯仔等。呢度d其他配料都好得，例如魚翅褔袋、金菇肥牛串、豚肉餃子、糯米雞肉串、札幌八爪魚餅、玉子燒、和風豚肉腸等。
除咗燒烤之外，我地叫咗個雜錦海鮮煱，入面有蜆、豆腐、蟹柳、青口、粉絲等，個湯底好鮮甜！粉絲索哂d湯汁，食嘅時候好濃味！
我地一路燒住等d配料，食食下覺得有d口渴，就叫野飲，呢度只要加$20就可以任飲，我地都叫咗d汽水飲。燒咗咁多野，我有幾樣野要推薦比大家。第一就係魚翅褔袋。個褔袋燒完之後脆卜卜，好香口！第二就係牛柳粒，燒完一d都唔覺得韌，好諗，又重牛味，燒嘅時候記得搽d燒肉汁，燒完之後會更加惹味架！第三就係個燒雞，本身已經燒咗一次，而家再燒多次，皮脆肉嫩，又多汁，味道一流！
總括而言，呢間火山燒頗好食，又好坐，小朋友只要矮過下面條綫，就唔會收錢，高過就比小童價，鍾意燒烤嘅大家一定要試下哦！
張貼
