影片
更多
2020-12-09
10 瀏覽
約咗朋友食飯，我哋一共四個人，之前試過返深圳一齊食海底撈麻辣鍋，但疫情之後就返唔到，所以都好懷念重慶火鍋嘅味道。一入到黎，都見到呢間裝修幾有特色，啱啱新開張，於是就嚟試吓。我哋叫咗鴛鴦湯底（$159），一邊係麻辣湯底，另外就係蕃茄湯底。 整體來講，蕃茄湯底不過不失，麻辣湯底用咗好多唔同嘅辣椒，唔算好辣，啱晒鍾意食辣但食唔到好辣嘅我哋🤣 麻辣牛肉$101 如果鍾意食辣，就一定要叫呢個麻辣牛肉，因為每一片牛肉都好大塊而且厚身，而且醃滿哂香料， 個人覺得比個湯底更加辣，要做好心理準備先叫，我地就食完要飲返幾啖加多寶中和返翻先得！ 但呢種辣好爽！ 三秒海帶 $48 呢度嘅海帶我一定要大力推介，因為又平又大份，長長地薄薄地，沾滿麻辣味或者係蕃茄味，都好好味！ 就好似佢個名咁，放3秒食得，要等其他嘢嘅時候就keep住食佢😂 食完之後會想叫多一碟🤪 鮮紅薯粉 $38 識叫一定會叫薯粉，薯粉煮熟之後比較粗身，容易吸味，口感煙韌，爽滑彈牙，煮得耐d會吸多啲麻辣火鍋嘅辣味，正！ 安格斯肥牛$182 呢個牛味比麻辣牛肉重，色澤偏紅，配上少脂肪，建議放喺蕃茄湯底或者係豬骨湯底，就可以食到牛肉嘅鮮味😋 紅糖鍋盔
一入到黎，都見到呢間裝修幾有特色，啱啱新開張，於是就嚟試吓。我哋叫咗鴛鴦湯底（$159），一邊係麻辣湯底，另外就係蕃茄湯底。 整體來講，蕃茄湯底不過不失，麻辣湯底用咗好多唔同嘅辣椒，唔算好辣，啱晒鍾意食辣但食唔到好辣嘅我哋🤣
麻辣牛肉$101
如果鍾意食辣，就一定要叫呢個麻辣牛肉，因為每一片牛肉都好大塊而且厚身，而且醃滿哂香料， 個人覺得比個湯底更加辣，要做好心理準備先叫，我地就食完要飲返幾啖加多寶中和返翻先得！ 但呢種辣好爽！
三秒海帶 $48
呢度嘅海帶我一定要大力推介，因為又平又大份，長長地薄薄地，沾滿麻辣味或者係蕃茄味，都好好味！ 就好似佢個名咁，放3秒食得，要等其他嘢嘅時候就keep住食佢😂 食完之後會想叫多一碟🤪
鮮紅薯粉 $38
識叫一定會叫薯粉，薯粉煮熟之後比較粗身，容易吸味，口感煙韌，爽滑彈牙，煮得耐d會吸多啲麻辣火鍋嘅辣味，正！
安格斯肥牛$182
呢個牛味比麻辣牛肉重，色澤偏紅，配上少脂肪，建議放喺蕃茄湯底或者係豬骨湯底，就可以食到牛肉嘅鮮味😋
紅糖鍋盔 $55
呢個係紅豆味嘅炸饅頭，個人覺得呢個真心係特色，大家都可以試吓，本身炸饅頭就冇味，呢個入面就有紅豆餡，而且你仲可以點上糖漿，令到平時食開嘅炸饅頭甜甜地，外脆內軟，更好食！
紅糖糍粑 $55
呢個都係特色小食推介，外皮炸得香脆，要趁熱，點上糖粉同埋糖漿，入面煙韌，係麻薯嘅口感☺️
墨魚滑 $98
有四支竹筒，口感彈牙😆
紅糖冰粉 $23
食到個口好重口味，所以叫碗冰粉中和下，味道同預期一樣，冰冰涼涼，上面有少許杞子、提子乾同埋花生碎。
金菇$37 炸魚皮 $55
都係食火鍋必叫，是常識吧🤣
張貼
