一鳴燒 (已結業)

銅鑼灣一向多餐廳，今次我地做足功課,於是就搵到呢間一鳴燒。上到黎人唔多，可能因為時間尚早,咁就可以擇下坐位坐。第一樣黎既係呢隻日本酒，味道唔錯,唔會太重酒味,又唔會太水。勁鍾意食蕃茄呀，所以呢個沙律就啱曬我。蕃茄好大塊，新鮮又多汁。加埋少少沙律菜同粟米一齊食，最重要當然配埋胡麻醬啦，健康又清新👍🏻 至於呢個煙肉串，望落好似冇咩吸引咁，但原來食落又好好味。煙肉肥瘦啱啱好, 食落仲好香脆，加埋醬汁，一咬落去入面啲餡就會吱出黎，一串真係唔夠食呀。