悠蔬食 (渣甸中心) (已結業)

之前去過它的尖沙咀分店，回味無窮，今次走去銅鑼灣分店試下。「菜乾蓮藕甘筍雜豆湯」勁好味，真材實料，好有媽媽住家湯feel，好溫暖，飲完一碗好想再添飲。「點心拼盤」最鍾意食佢嘅春卷，脆卜卜；燒賣都好好食。「藍蝶花雪梨汁」上次喺尖沙咀店飲過，好好味，要再 encore。賣相好靚，紫色好浪漫，雪梨汁又濃。成杯感覺好滋潤又清新。「宇治抺茶茉莉千層班㦸」上次冇試食這個，走寶了，今次叫嚟試。外表給人好漏的感覺，因為好多層 cream, 但由於係綠茶及茉莉關係，味道好清新，唔漏，食完一件想食第二件。「黑加倫子乳酪蛋糕」乳酪蛋糕一向好漏，但係加左黑加倫子，酸酸甜甜，好好味。