棽粵 (已結業)

平時食開西餐都比較油膩，所以有時我鍾意食吓中菜，尤其是講求清淡和鮮味粵菜。今次介紹依間位於銅鑼灣嘅高級粵菜館「棽粵」，位於高層可以輕易飽覽維港景色，當日仲見到無人機嘅光影表演，一班朋友敘舊就最適合。淮山杞子竹絲雞燉湯天氣凍凍地就最適合飲番碗滋補嘅燉湯，淮山同杞子有獨特嘅甜味同埋苦味，加上肉味比較濃郁嘅竹絲雞，濃郁又滋補。欖角陳皮斑塊欖角口感清爽，加上陳皮獨有嘅清香，能夠給斑塊做出提鮮嘅作用。薑蔥豆豉爆雞用咗多款香料例如薑、香蔥和豆豉爆炒雞肉，豆豉濃郁嘅鹹香味有助雞肉吸收，所以肉質特別嫩滑。最後試埋佢哋嘅瑤柱蔥晉煎絲苗，有啲似煎餅嘅感覺。而甜品就選擇咗西施川貝雪梨茶，花朵一樣嘅設計打卡都好靚。