阿翁小館

營業中

休息中

大閘蟹季節，今次來到位於天后既銅鑼灣如心酒店中菜廳淺嚐大閘蟹～ 6道菜既大閘蟹宴$980一位，單是蟹粉翅、遼參、大閘蟹已經物超所值！ 坐低先來一壺鐵觀音，店員服務都好好又細心！ 生拆大閘蟹粉翅一啖入口蟹粉精華鮮味甘香，濃郁蟹香，味道豐富，翅針柔軟，令人一試難忘！ 蔥燒百花釀遼參遼參浸發得大條彈滑，釀入蝦滑兩者彈滑得來味道層次分明，芡汁薄身帶肉味蔥香，口感鮮爽！ 原隻江蘇大閘蟹6兩重既蟹公，一打開橙黃蟹膏呈現眼前。 蟹膏creamy滑溜，幼滑香口，蟹肉挺身。生煎薑蔥鹽香雞用薑粒、青蔥最嫩綠部分，每件鹽香雞都煎得皮脆肉滑，薑蔥都浸透雞油唔咸，雞味濃厚。迷你蟹腿荷葉飯蟹腿肉、冬菇粒，啖啖荷葉香氣，飯米粒粒分別。 食完大閘蟹一定要飲薑茶驅寒暖胃～ 最後送上薑茶芝麻湯圓，湯圓軟糯不甜。