推開木門，格局開揚簡約，每一個座位都可以近距離睇住師傅即席烹調，成個氛圍靜謐得嚟好有親切感！
▪️ 前菜：生椒牛肉煮
牛肉軟嫩入味，配上生椒微辛，醒胃又帶出牛香。
▪️ 暖胃：松葉蟹茶碗蒸
蒸蛋滑溜，鋪滿松葉蟹肉，鮮甜暖心
▪️ 主角：A5大分和牛 x A4薩摩牛
師傅先用砂糖薄鋪鍋底，再倒入壽喜燒汁，香氣四散。兩款和牛油花勻稱，大分和牛油香豐腴，薩摩牛多咗份甘甜。
蘸上兵庫縣生雞蛋漿，入口瞬間融化！
▪️ 間場：野菜拼盤
皇帝菜、冬菇，仲有日本傳統「丁字麸」，口感似軟身麻糬，索盡湯汁精華。
▪️ 完美收結：北海道夢美人米飯，米飯粒粒飽滿
最後以雲呢拿雪糕配十勝紅豆作結，甜度剛好。
成個體驗由食材到服務都一絲不苟，師傅全程細心講解，完場時更90度鞠躬送客，真心感受到日本嘅待客之道。
