皇玥 (已結業)

近幾年中秋都會黎皇玥買奶皇月餅送禮自用，除咗月餅仲有好多產品都好正。之前試過蝴蝶酥，最近就愛上曲奇、薄脆！曲奇有幾款味道，一向中意食開心果既我定必推介開心果脆曲奇～ 開心果可以降血脂、護眼抗老，好處多又有益。一盒12塊曲奇獨立包裝，啱哂我成日口痕想食少少野，開一兩包點到即止。每啖曲奇都食到開心果粒，口感酥脆，牛油味唔會太重，反而令開心果香味更突出。 伯爵茶薄脆一盒兩包，一包大約有8片，薄薄一片可以一啖一口。伯爵茶味芬芳，入口鬆化輕巧，仲有伯爵茶葉粒。用黎tea time 啱哂！