見今日未食飯，我決定帶我女朋友入去睇下咩環境。
入到鋪頭，除左一個店員之外，果然一個人都無。
心諗，今次中伏喇應該。
正當我打算走之際，店員就示意我地上樓上坐。
原來呢間鋪有三層咁高，上到二樓發現d位都坐滿咁滯。
睇個勢應該唔會中伏。
我同女朋友睇兩望個餐牌，已經知道叫咩食好喇。
先上個羅宋湯，d雜菜同肉多到不得了，入口幾甜。
再黎個鵝肝多士，鵝肝油份較到，入口香軒，個多士吸曬d油，真係不得了。
之後上埋個海鮮pizza，d海鮮好足料，仲有d芝士，拉曬絲咁，我女朋友秒殺左個pizza阿。
仲有個牛扒，五成熟，一切開d肉汁就湧出黎真係見到都開心，一入口d肉汁就喺口腔入便再次爆發👍🏻👍🏻👍🏻
連埋兩杯酒，埋單六百幾，銅鑼灣黎計都算扺食👍🏻👍🏻
