滷友記 (加路連山道) (已結業)

今日放假， 即刻帶爸爸媽媽出去食好嘢。今次地去銅鑼灣嘅滷友記度食飯！嗰度嘅滷水超級好食。相信佢地一定鍾意！— 生炸大雞髀🍗—雞髀好大隻，成隻雞髀炸到金黃色，雞皮炸到好香脆，雞髀肉就鮮嫩多汁。味道又香又正。絕對係啖啖肉之選！— 招牌大滷麵🐷 —麵條爽口彈牙， 滷水湯底味道濃郁得黎，但一啲都唔鹹。仲帶出左食材嘅鮮味！入面分別有五花肉，陳皮魚蛋，豆腐同蘿蔔！但最鐘意一定係佢個滷豆腐。豆腐吸晒滷水嘅精華。令到本身鮮味嘅豆腐味道更突出😍—上湯浸蘿蔔🥕—蘿蔔大大嚿，蘿蔔本來已經鮮味十足，再用上湯煮熟，索埋湯嘅精髓，令到蘿蔔更加鮮甜，食落口一啲渣都冇。媽媽激讚👍🏻—台式酥炸雞扒飯🐓—驚喜不已嘅雞扒飯！雞扒炸到脆卜卜再放係熱辣辣嘅飯上面。未食見到已經覺得好吸引！雞扒肉質鮮嫩無比，雞味濃郁，一啲雪藏味都冇！超新鮮！入口睇仲有滋味無窮嘅台式椒鹽味，十分惹味！果然冇揀錯餐廳，食物同服務質素都非常好，連屋企人都讚口不絕！值得推介！