影片
更多
2023-06-10
10 瀏覽
食過唔同嘅Omakase，大多都係以刺身、壽司為主，但割烹料理嘅omakase就第一次食！係登龍街呢間《曜》係用日本高級食材做私房料理，風格好創新，食落好有驚喜！餐廳風格行型格路線，店內有個好吸睛嘅武士造型擺設。🔻竈 $1380/1▪️花膠果凍武士造型嘅器皿超有特色，花膠果凍口感Q彈，醬汁酸酸地咁好開胃▪️時令刺身5點▫️水母刺身非常爽口，底下有白海草，味道酸酸地▫️北海道仙鳳趾生蠔生蠔肉身肥厚，質地滑口，回味無窮▫️網燒帶子非常大粒，好有口感，燒到帶有坑紋帶點焦香味▫️鰤魚 口感軟嫩，油脂豐腴，入口軟韌適中，脂香四溢▫️深海池魚肉質結實，爽口帶油份，味道甜美▪️北海道海膽杯用上北海道雲丹海膽，入口濃郁，甘蝦口感黏口，非常鮮味▪️海老丸野菜煮蝦丸真材實料，滿滿蝦味，入面仲有甘筍、南瓜，大根，配上松葉蟹芡汁，加入絲絲蟹肉，味道一流▪️蟹黃茶碗蒸面頭芡汁用大閘蟹黃油製成，味道十分之香濃，入面仲食到毛蟹肉同有機栗子，蛋香十足，好鍾意呢個▪️醬燒A5和牛和牛係嚟自兵庫縣姫路，BMS達至12，有完美嘅油花比例，入口即溶，口感超正！師傅仲介紹因為姬路和牛係放養關係，所以牛肉佈滿油花但完全唔會漏▪️花膠、刺參配日本豆乳雞白
🔻竈 $1380/1
▪️花膠果凍
武士造型嘅器皿超有特色，花膠果凍口感Q彈，醬汁酸酸地咁好開胃
▪️時令刺身5點
▫️水母刺身非常爽口，底下有白海草，味道酸酸地
▫️北海道仙鳳趾生蠔
生蠔肉身肥厚，質地滑口，回味無窮
▫️網燒帶子
非常大粒，好有口感，燒到帶有坑紋帶點焦香味
▫️鰤魚
口感軟嫩，油脂豐腴，入口軟韌適中，脂香四溢
▫️深海池魚
肉質結實，爽口帶油份，味道甜美
▪️北海道海膽杯
用上北海道雲丹海膽，入口濃郁，甘蝦口感黏口，非常鮮味
▪️海老丸野菜煮
蝦丸真材實料，滿滿蝦味，入面仲有甘筍、南瓜，大根，配上松葉蟹芡汁，加入絲絲蟹肉，味道一流
▪️蟹黃茶碗蒸
面頭芡汁用大閘蟹黃油製成，味道十分之香濃，入面仲食到毛蟹肉同有機栗子，蛋香十足，好鍾意呢個
▪️醬燒A5和牛
和牛係嚟自兵庫縣姫路，BMS達至12，有完美嘅油花比例，入口即溶，口感超正！師傅仲介紹因為姬路和牛係放養關係，所以牛肉佈滿油花但完全唔會漏
▪️花膠、刺參配日本豆乳雞白湯
用上兩款珍貴食材，分別係花膠同刺參，花膠好大塊，食落滿滿膠質，口感爽而滑溜，而刺參肉質爽滑彈牙，配上豆乳雞白湯，豆香綿濃，非常滋味
▪️毛蟹海膽飯
有毛蟹及海膽做食材，湯底由毛蟹殼熬成，鮮味十足，拌勻之後食感覺似食緊意大利飯，味道香濃好高質
▪️鯛魚湯
乳白色湯底，味道好鮮甜
▪️時令水果
靜岡縣溫室蜜瓜，香甜多汁
呢度嘅餐牌仲有「客人發辦」嘅選項，師傅會因應客人預算同口味，設計一個獨特嘅menu，務求令食客食得盡興，價錢都係每位$1000起，等我下次再嚟試吓先！
張貼
