小曼谷泰國美食站

營業中

休息中

呢間餐廳係銅鑼灣，放工同朋友想去食泰國野，就決定去呢間，小曼谷有唔少分店，所以都有信心。佢係用火車做主題，有唔少打卡位，除左一入店既大火車好醒目，仲有唔少detail位，包括入面燈飾，甚至裝飾品都有火車，好似置身泰國火車market咁。二人套餐$288泰脆炸豬手德國炸豬手就食得多，泰式就未試過。首先佢份量超大，賣相都好吸引。除左豬手，仲有醃蘿蔔乾同蝦片小食。佢既蝦片有驚喜，好香口之餘食到淡淡蝦味。而主角炸豬手好脆口，但火喉剛好，唔會太乾身或太油膩，咬到少少肉，肥瘦相間，唔怕熱氣可以一試。小曼谷海南雞半隻雖然係半隻，但都夠2-3人食，大大碟。雞肉好滑，淡淡雞油香味。配埋特製泰式辣醬，多一種酸辣味道，不過我覺得就咁食都已經好好味，反而更食到原汁原味，$288呢個套餐好抵食。冬蔭公湯（原隻虎蝦）$138大大隻虎蝦好吸睛，而且味道酸辣好開胃，唔會over，佢仲有d菇同少少雜菜，多d層次，用黎撈飯，變左冬蔭公湯飯，夏天食一流。