主角極品海蟹海鮮鍋真係無得頂！原隻大海蟹霸氣登場，仲跟足一大堆海鮮——大蝦、青口、蜆、魷魚、扇貝，鋪到成個鍋滿瀉！個湯底係正宗釜山風味，辣得嚟好順喉，仲有陣陣蒜香同泡菜發酵嘅酸香，越滾越濃郁。
隻海蟹真係不得了，蟹蓋裡面爆膏爆到癲！蟹肉吸收晒辣湯精華，啖啖肉又鮮甜，食到lam lam脷～其他海鮮一樣高質，大蝦爽彈、蜆肉飽滿冇沙，最正係個湯底煮到最後，精華全部鎖喺海鮮裡面，每啖都係大海嘅味道！
食到差唔多，店員會用個湯底幫你炒飯，加入紫菜、泡菜同芝士，撈勻之後變成邪惡到爆嘅拉絲炒飯，香辣惹味，飽到捧住個肚都忍唔住清晒！
