Hugo Le Resto Grill (已結業)

銅鑼灣既商場食肆又多人又要排隊，選擇上樓既cafe係一個好好既決定，今日再次同朋友來Hugo le resto grill鍾意呢度座位舒服😌感覺比較高級又寧靜，傾偈一流！自助沙律bar深得大眾喜愛基本沙律食材例如車厘茄、薯仔沙律、三色椒、粟米粒、紫洋蔥....等等都一應俱全！龍蝦湯香味濃郁配麵包同牛油一齊就最好不過。😋牛扒煎得恰到好處，驚喜既係旁邊既忌廉醬，入口竟然係黑松露香味，令到牛扒既味道即刻提升，讚👍🏻三文魚牛油果炒飯同樣讚，三文魚香氣撲鼻，炒飯唔會痴埋一舊，每一粒口感都好好，非常好食。最後上甜品同餐茶，係我至愛既朱古力慕絲，加上餐具容器都配合得好，好有貴婦嘆茶既感覺。