鮨悠 (已結業)

《鮨悠》位於銅鑼灣渣甸街永光中心，吧台望住廚師表演為你準備嘅日本菜。先嚟前菜三點，先由淡味食起，然後濃味。蟹肉羊羹~賣相好漂亮，晶瑩通透，內有蟹肉，秋葵及寒天。日本仙人掌~食用仙人掌，咬落味道甘甘地，質地似連帽，清甜爽口。琥珀合桃~餐前小吃，仲有小魚乾，合桃補腦有益。深海大池魚王(薄造) ~紫蘇葉及花，配合辣蘿蔔食用花，感覺好清新。赤貝~配合海帶，沾少沙日本芥末及醬油， 入口爽脆。太刀魚~輕輕烤過，迫出魚脂，配合日本胡麻醬油，特別香口。英鰤~初春嘅魚種，配合胡椒柚子醬及麵豉醬，魚肉質地唔錯。太刀魚(熱食)~熱辣辣上，太刀魚南京燒，採用日本蕃薯，配合紫蘇花，仲有爽口BB露筍。石鯛魚壽司~魚肉質地都非常唔錯，上面放著牙葱，後面有自家製嘅壽司薑；北海道帆立貝壽司~帆立貝非常新鮮，入口鮮甜，肉質嫩滑；石斑壽司~香港石斑魚種，日本水域飼養，刺身食用，呢個魚嘅品種比較特別；地金目鯛壽司~紅色嘅魚皮輕輕燒烤過，入口軟滑，特別肥美；銀雪魚BB壽司~配合濃味嘅醬汁，鮮甜，咬落有少少黏口，魚脂味都好香濃；赤身醬油漬壽司~油漬味道調教得唔錯；中拖羅壽司~見到魚嘅質地紋理清晰，入口即溶；北海道馬糞海膽軍艦壽司