影片
更多
2022-01-27
353 瀏覽
呢間餐廳係日式法國菜，主打精緻高級法國餐，餐牌係時令嘅，當日會由店員介紹，所以可能日日去都唔同，都幾有驚喜同埋新鮮感🤭🍴 餐包 (8/10)餐包有分兩款，一款係芝士軟包，另一款係牛角包，上枱嘅時候好熱，兩款都外脆內軟，牛角包就比較鬆化啲，牛油味香濃啲，芝士軟包就比較鬆軟啲，加埋香草牛油，真係好好食！餐包係可以無限添加嘅，唔夠可以叫店員加俾你~🍴 忌廉雜菌酥皮盒 (9/10)啱啱焗起超級熱，酥皮好脆，好香牛油味，忌廉雜菌好creamy，鹹鹹地，都幾香忌廉味，好多菇，幾好食嘅有驚喜！🍴和牛他他 $85 (6/10)和牛他他酸酸哋，食唔出牛肉味🤣法包好薄好脆，整體來講一般啦~🍴廚師精選意大利飯 海膽汁海鮮意大利飯$158 另收加一 (8.5/10)意大利飯裏面有魷魚，兩隻大蝦，表面有啲三文魚子。海膽汁非常香濃，好有鹹鮮味，大海嘅味道(個人認為鹹咗少少，但朋友覺得啱啱好，好正好有鹹鮮味)，飯煮得啱啱好，唔會太硬太淋，裏面有超多魷魚，好彈牙，大蝦彈牙爽口，食得出鮮味，廚師廚藝👍🏻🍫朱古力慕絲 $75 (9.5/10)成個擺盤好靚，有少少似愛麗絲夢遊仙境，有蛋白霜做嘅蘑菇，同埋朱古力碎做嘅泥土，花
🍴 餐包 (8/10)
餐包有分兩款，一款係芝士軟包，另一款係牛角包，上枱嘅時候好熱，兩款都外脆內軟，牛角包就比較鬆化啲，牛油味香濃啲，芝士軟包就比較鬆軟啲，加埋香草牛油，真係好好食！餐包係可以無限添加嘅，唔夠可以叫店員加俾你~
🍴 忌廉雜菌酥皮盒 (9/10)
啱啱焗起超級熱，酥皮好脆，好香牛油味，忌廉雜菌好creamy，鹹鹹地，都幾香忌廉味，好多菇，幾好食嘅有驚喜！
🍴和牛他他 $85 (6/10)
和牛他他酸酸哋，食唔出牛肉味🤣法包好薄好脆，整體來講一般啦~
🍴廚師精選意大利飯 海膽汁海鮮意大利飯$158 另收加一 (8.5/10)
意大利飯裏面有魷魚，兩隻大蝦，表面有啲三文魚子。海膽汁非常香濃，好有鹹鮮味，大海嘅味道(個人認為鹹咗少少，但朋友覺得啱啱好，好正好有鹹鮮味)，飯煮得啱啱好，唔會太硬太淋，裏面有超多魷魚，好彈牙，大蝦彈牙爽口，食得出鮮味，廚師廚藝👍🏻
🍫朱古力慕絲 $75 (9.5/10)
成個擺盤好靚，有少少似愛麗絲夢遊仙境，有蛋白霜做嘅蘑菇，同埋朱古力碎做嘅泥土，花花草草，加埋榛子味嘅雪糕，榛子味好香濃，一啲都唔甜，朱古力慕絲超級香濃朱古力味，一啲都唔甜，苦中回甘，裏面有啲紅桑子粒粒，酸酸地解膩，成個甜品都好高質好有心思！
🍋檸檬慕絲 $75 (9/10)
如果唔鍾意食太濃味，太Heavy嘅話，呢個應該好啱。檸檬慕絲酸酸地，加上青蘋果雪葩，整體好清新，好開胃解膩，不過個人就比較鍾意朱古力多啲！
☕️Lattle +$8 (8.5/10)
咖啡味香，奶味較重，唔會苦，個人幾鍾意，如果有拉花會更靚！
推薦指數: 9/10
高質用心嘅日式法國菜，食物質素高，有心思煮同present，服務態度都好好👍🏻會再去食~ openRice訂座會有折，之前做緊八五折都幾抵食~
張貼
