影片
更多
2020-12-05
15 瀏覽
今日去咗海洋公園玩咗成日，之後返出嚟銅鑼灣食晚飯。有人神神秘秘話帶我去澳門逸園中心開餐，原來一早預訂咗呢間人氣火鍋店「碼頭故事」。餐廳嘅佈置好特別，裝潢走復古路線，加上四周的中國風裝飾、天花的大紅燈籠和牆上耀眼嘅霓虹燈，嚟打卡真係一流！先選湯底，揀咗個大骨百味湯鍋 ($136)，唔好睇個湯底好似好清咁，但其實撈起入面都有唔少材料，湯內有大蔥、紅棗、杞子、青瓜片和午餐肉，飲落有好濃嘅豬骨香味，絕對係真材實料。調味料放咗喺外面嘅醬油區，客人可以自行外出拿取。另外每張檯都會有一碟陳皮花生同瓜子供應，花生味道很不錯，脆口得來又帶點佛手柑的清香。至於自助醬料及茶芥費就以人頭計，每位 $30。配料方面，先試下這款一米肥牛 ($159)。碟肥牛賣相好特別，用一塊超長嘅厚身木板盛載，雖然無用尺量度過，但望落應該都有一米長。肥牛色澤鮮豔亮麗，肉質肥瘦適中，每一片都好嫩滑，就算灼耐一點依然軟腍。至於呢碟脆肉鯇魚片 ($88) 水準亦唔錯，又彈牙又滑，肉質結實，清爽脆口、且魚味清香，入口充滿魚鮮味。另外一定要推介下呢兩碟脆炸響鈴 ($67) 同 脆炸魚皮 ($55)，估唔到兩樣都咁出色，響鈴香脆鬆化，夠乾
今日去咗海洋公園玩咗成日，之後返出嚟銅鑼灣食晚飯。有人神神秘秘話帶我去澳門逸園中心開餐，原來一早預訂咗呢間人氣火鍋店「碼頭故事」。
餐廳嘅佈置好特別，裝潢走復古路線，加上四周的中國風裝飾、天花的大紅燈籠和牆上耀眼嘅霓虹燈，嚟打卡真係一流！
先選湯底，揀咗個大骨百味湯鍋 ($136)，唔好睇個湯底好似好清咁，但其實撈起入面都有唔少材料，湯內有大蔥、紅棗、杞子、青瓜片和午餐肉，飲落有好濃嘅豬骨香味，絕對係真材實料。
調味料放咗喺外面嘅醬油區，客人可以自行外出拿取。另外每張檯都會有一碟陳皮花生同瓜子供應，花生味道很不錯，脆口得來又帶點佛手柑的清香。至於自助醬料及茶芥費就以人頭計，每位 $30。
配料方面，先試下這款一米肥牛 ($159)。碟肥牛賣相好特別，用一塊超長嘅厚身木板盛載，雖然無用尺量度過，但望落應該都有一米長。肥牛色澤鮮豔亮麗，肉質肥瘦適中，每一片都好嫩滑，就算灼耐一點依然軟腍。
至於呢碟脆肉鯇魚片 ($88) 水準亦唔錯，又彈牙又滑，肉質結實，清爽脆口、且魚味清香，入口充滿魚鮮味。
另外一定要推介下呢兩碟脆炸響鈴 ($67) 同 脆炸魚皮 ($55)，估唔到兩樣都咁出色，響鈴香脆鬆化，夠乾身又不油膩；而魚皮亦酥脆不嚡口，食落無渣，多吃幾塊也不覺厭。
本來仲叫咗碟一米鴨腸，可惜店員話當日無貨，唯有作罷。
打邊爐，蔬菜一定不能少！心大心細想試多幾款，揀咗個時蔬拼盤 ($98)，材料好豐富，拼盤內放滿了紅蘿蔔片、粟米、金針菇、香菇、娃娃菜、唐生菜、油麥菜、有菇有菜，絕對是健康之選。
最後食埋個日本烏冬 ($38)，真係好飽肚，烏冬爽口彈牙，加上吸收曬湯底嘅精華，一口麵、一啖湯，美味可口。
張貼
