影片
更多
2022-05-26
88 瀏覽
好耐冇食印度野，咁啱又想約朋友食下晚飯，一於今晚去食印度野。今次揀了銅鑼灣的沙士亞印度餐廳。其實之前經過邊寧頓街都有留意過呢間餐廳的招牌，都想入去試下啦，今次就佢啦!餐廳內的佈置充滿印度色彩，燈光通明而柔和，座位寬敞舒適。餐牌食物種類應有盡有，而比較吸引我的係二人餐，promote價248蚊，以印度餐的晚餐計，性價比高，真係算幾平!首先，開胃盤一定唔少得印度脆片。脆片大大塊，可配上薄荷汁和特色半透明辣汁，建議點薄荷汁就好了。小食係咖哩角，點了咖哩角羊肉，羊肉碎再配上香料，味道濃郁，不油不膩，一人一隻啱啱好了。主菜可三選二，因為呢排成日食雞。我們點了咖哩雜菜和咖哩羊肉兩個餸。另配一份蒜香薄餅和印度飯。先講咖哩羊肉，咖哩角羊係試金石，呢道羊肉才是重頭炮，羊肉經過香料腌後，完完全全去除了羊羶味，一般印度的烹調方式都係用燉的方式處理，羊肉仍然有咬感，唔會感覺老身難咀嚼。咖哩汁香濃不辣，點在薄餅上，食欲感覺益增，欲罷不能。咖哩雜菜沒有咖哩羊肉那麼濃味，但配菜豐富，有多款豆類香芹做配菜，本來給人清淡之感的蔬菜經過咖哩的塗脂抹粉，成為了傾國傾城的少女萬人迷，素食者應該十分喜歡咖哩雜菜這道菜。而我乃雜
餐廳內的佈置充滿印度色彩，燈光通明而柔和，座位寬敞舒適。餐牌食物種類應有盡有，而比較吸引我的係二人餐，promote價248蚊，以印度餐的晚餐計，性價比高，真係算幾平!
首先，開胃盤一定唔少得印度脆片。脆片大大塊，可配上薄荷汁和特色半透明辣汁，建議點薄荷汁就好了。
小食係咖哩角，點了咖哩角羊肉，羊肉碎再配上香料，味道濃郁，不油不膩，一人一隻啱啱好了。
主菜可三選二，因為呢排成日食雞。我們點了咖哩雜菜和咖哩羊肉兩個餸。另配一份蒜香薄餅和印度飯。先講咖哩羊肉，咖哩角羊係試金石，呢道羊肉才是重頭炮，羊肉經過香料腌後，完完全全去除了羊羶味，一般印度的烹調方式都係用燉的方式處理，羊肉仍然有咬感，唔會感覺老身難咀嚼。咖哩汁香濃不辣，點在薄餅上，食欲感覺益增，欲罷不能。咖哩雜菜沒有咖哩羊肉那麼濃味，但配菜豐富，有多款豆類香芹做配菜，本來給人清淡之感的蔬菜經過咖哩的塗脂抹粉，成為了傾國傾城的少女萬人迷，素食者應該十分喜歡咖哩雜菜這道菜。而我乃雜食的食肉獸，兩者通殺。印度米身長而偏，質感是軟軟乾爽的，從前我不太習慣吃，但隨着食印度餐次數的增加，適應起這種特別的米飯質感，有時吃印度餐不一定只吃NANN，也會食飯。飯煮得通透乾爽，色澤奪目，配上咖哩汁後，口感更有層次。
最尾飲品就是芒果乳酪，食親印度餐，必點。呢杯mango lassi 唔算好甜，芒果香味足，值得一讚。
我會再來encore，但願248元呢個價錢可以繼續，真係好抵食呢!
張貼
