影片
更多
2023-02-06
81 瀏覽
之前食過隔離同系嘅火鍋，今次就一於食吓燒肉。呢到寬敞闊落，裝潢充滿和式風格。燒肉放題有4款價位選擇，我哋揀咗食特上燒肉食之放題，一至四$348@，可以食足120分鐘。主打當然係食牛，好似安格斯封門柳、肩胛脊肉、翼板肉咁，大大片肉質腍嫩，油香四溢，肉味香濃，仲可以叫壽喜燒汁口味或者點日本蛋汁食。其他牛類仲有好似香蔥薄牛舌、牛仔骨、秘製牛肋條等等，其中推介牛舌，口感爽嫩帶有淡淡蔥香。除咗牛，亦有幾款高質豚肉好似日本豚五花肉/肉眼、千歲豚肩肉、極黑豬頭肉，同雞肉可以叫。當然唔少得梗係仲有海鮮啦，爽彈嘅日本小魷魚、香口爆春嘅多春魚、鮮甜嘅香蒜牛油藍青口都唔錯。我哋仲叫咗鮮冬菇香草牛油雜菌、翠肉瓜、茄子等蔬菜燒黎食解吓膩。除此之外，仲有各式沙律、小食、炸物，非常之豐富。食飽仲會送一人一杯送嘅movenpick雪糕。。。萬丸燒肉 (銅鑼灣)銅鑼灣駱克道463-464號銅鑼灣廣場二期8樓。。
主打當然係食牛，好似安格斯封門柳、肩胛脊肉、翼板肉咁，大大片肉質腍嫩，油香四溢，肉味香濃，仲可以叫壽喜燒汁口味或者點日本蛋汁食。其他牛類仲有好似香蔥薄牛舌、牛仔骨、秘製牛肋條等等，其中推介牛舌，口感爽嫩帶有淡淡蔥香。
除咗牛，亦有幾款高質豚肉好似日本豚五花肉/肉眼、千歲豚肩肉、極黑豬頭肉，同雞肉可以叫。當然唔少得梗係仲有海鮮啦，爽彈嘅日本小魷魚、香口爆春嘅多春魚、鮮甜嘅香蒜牛油藍青口都唔錯。
我哋仲叫咗鮮冬菇香草牛油雜菌、翠肉瓜、茄子等蔬菜燒黎食解吓膩。除此之外，仲有各式沙律、小食、炸物，非常之豐富。食飽仲會送一人一杯送嘅movenpick雪糕。
。
。
萬丸燒肉 (銅鑼灣)
銅鑼灣駱克道463-464號銅鑼灣廣場二期8樓
。
。
張貼
